Coney Island, Oscar sariak, burleskea eta Eloy de la Iglesia

Bitxia egun hauetan gertatutakoa. Hollywoodeko Oscar sarietan ezustekoa eman du Sean Bakerrek zuzendutako "Anora" filmak, sari garrantzitsuenak bereganatuz. Ez da ikaragarri maitatu dudan filma baina 2024ko Zinemaldian ikusteko aukera izan nuen eta gustora ikusi nuen, eta zirrara berezia egin zidan ikusteak ia film osoa Brooklyneko Coney Island auzoan girotuta zegoela, nik 2019an ere bai "Glittering Misfits" fimean erabilitako lokalizazio antzekoetan, hein handi batean.

Coney Island USA Facebook orrian ikusi nuen Oscarren biharramunean eskegitako fotograma bat, nun harrotasunez azaltzen zuten euren eraikina agertzen zela saritutako "Anora" filman. Eta berriz sentitu nuen zirrara berezi hori... 

      Ezkerrean ikusten den eraikina da Coney Island USA-ren egoitza.

Eraikin horretan, era guztitako freak eta artisten paradisu antzekoa dena, taberna, ikuskizun areto eta kamerino mitikoa duena, eraikin horretan filmatu nituen nire filmeko hainbat sekuentzia, oroitzamen ederrez bete zidatenak. Bertan ospatzen da Coney Island Film Festival jaialdia ere bai eta nire "Tigger!" film laburra proiektatu zuten bertan, protagonistaren aurkezpenarekin.

Eta jarraian, nire "antzeko fotograma", kale berdinean ateratakoa.

      "Glittering Misfits" filmeko fotograma.

 Bi irudien artean zazpi desberdintasunak aurkitzera jokatu liteke.... Koinzidentzia polita da, Sean Baker inspiratu den leku horretan ni ere bai inspiratu izana, hain berezia den auzo hori erabili izana gure filmen kokaleku nagusi bezala. 

Egun hauetan komunikabideetan New Yorkeko "indie" mugimenduaren ordezkariak ispiritu hori berpiztu duela eta antzekoak esaten ari dira, eta sarean beste batzuek "Indie tus cojones" eta halako perlak botatzen ari dira... Zuzendariak Oscarrak jasotzerakoan zinema egiteko modu hori erreibindikatu du eta.

Lehen esan dudan bezala Zinemaldian ikusi nuen filma eta Sean Bakerrek Tabakaleran eskeinitako hizketaldian ere bai izan nintzen eta oso jatorra iruditu zitzaidan, bere kaleko jendearen kastingak egiteko modua edo obsesioa, izarretatik urrun, erretratatzen dituen pertsonai marginalak, prostitutak askotan, amets amerikarraren itzalean bizi direnak... eta ezustekoa izan zen, bere erereferenteak aipatuz, Eloy de la Iglesia zinegile euskalduna eta Jess Franco aipatu zituenean. Ordutik hasi naiz Eloy de la Iglesia zarauztarraren filmografian sakontzen, bere filmak ez dira asko zabaldu eta ez nituen sobera ezagutzen. Aldi berean berari buruzko liburu bat erosi berri dut.

 

"Anora" eta "Glittering Misfits" filmetatik ateratako Coney Islandeko beste fotograma batzuk jarraian.  Asmatu zein filmeri dagokion irudi bakoitza.